Prorektorët e Universitetit të Shkencave të Aplikuara në Ferizaj (UShAF), Afrim Loku dhe Sulejman Meta, kanë marrë pjesë në takimin me delegacionin nga Universiteti “James Madison” i Virgjinias (ShBA), i cili është mbajtur në Universitetin e Gjilanit “Kadri Zeka”.
Delegacioni i universitetit amerikan i përbërë nga profesorët: JoAnne Brewster, Michael Stoloff, Vesna Hart dhe Ahmet Shala, janë pritur nga zyrtarë të lartë të Ministrisë së Arsimit, Shkencës dhe Teknologjisë dhe drejtues të dy universiteteve publike në vend.