Në Babimoc të Obiliqit dhe Prilluzhë të Vushtrrisë, sot kanë qëndruar kryetari i komisionit parlamentar të Serbisë, Milovan Drecun si dhe dy zëvendës-drejtorët e Zyrës Serbe për Kosovën në Qeverinë e Serbisë Dushan Kozarev dhe Damjan Joviq. Pas Babimocit, ata shkuan edhe në Prilluzhë, ku pasi qëndruan në kishën e ndërtuar rishtas atje vizituan edhe nxënësit e shkollës fillore “Vuk Karaxhiq”, dhe fëmijët parashkollor.
Mediat serbe raportojnë se më parë Kozarev vuri lule edhe në monumentin e serbëve të vrarë, i cili ndodhet në qendër të fshatit, njofton Klan Kosova.
Dy zyrtarët serb erdhën këtu, një ditë pasiqë autoritetet kosovare ia ndaluan hyrjen në Kosovë shefit të zyrës serbe për Kosovën, Marko Gjuriq.