Çdo pjesë e kujtimeve të tij lidhet me helikopterët dhe fluturimet. Përveç fotos me njerëzit e tij më të afërt, për Donaldin helikopteri ishte dashuria e tij më e madhe.
Çdo foto, edhe ato që ka realizuar në Paris janë nga lartësitë e këtij qyteti. Në njërën prej tyre ai pozon pranë helikopterit “EC 145” i prodhimit francez, pak ditë para se mjeti luftarak të bëhej pjesë e flotës ajrore të ushtrisë shqiptare.
Entuziazmin për mjetin e ri ai nuk e fshihte aspak ndërsa komentonte në faqen e tij në Facebook se, kishte shitur makinën e tij tip “Ford” dhe kishte blerë këtë helikopter.
I dashuruar me ajrin, shumë i ri në moshë, piloti nga Kuçova i diplomuar në Universitetin Federiku i Dytë në Napoli, kishte fituar gradën e togerit dhe bashkë me kolegun e tij, kapitenin Florian Deliaj po kryenin një fluturim stërvitor me helikopterin e ri që morën në dorëzim nëntorin e vitit të kaluar.
Ky mjet ishte në shfaqjen ajrore që u dha pak ditë më parë në Tiranë nga ushtria shqiptare dhe reparti i Shigjetave të Kuqe, për 7-vjetorin e anëtarësimit të Shqipërisë në NATO.
[youtube https://www.youtube.com/watch?v=KoziCLL9otc?feature=oembed&w=640&h=360]
The post Donald Hoxha, piloti i dashuruar me helikopterin që i mori jetën (Video) appeared first on Lajminet.