Demokracia Studentore ka reaguar kundër punimeve të kishës ortodokse në Kampusin e Universitetit të Prishtinës
Kjo organizatë ka shprehur indinjatën e tyre të thellë rreth funksionalizimit kësaj kishe në hapësirat e kampusit të UP-së “Hasan Prishtina” .
“Kjo kishë nuk ka shërbyer për vite të tëra pas përfundimit të luftës, dhe tani kishtarët serb me idetë e tyre politike të trashëguara nga regjimi jugosllav po tentojnë që të funksionalizojnë këtë objekt fetar, i cili është pengesë për Universitetin dhe studentët”.
“Një grup i politizuar serb në mbështetje të disa priftërinjve po tentojnë të vëjnë në jetë politikat e regjimit radikalist të Millosheviçit në Kosovë pikërisht përmes objektit fetar të kishës ortodokse me frymëzimin e Millosheviçit, për ta penguar zhvillimin e Universitetit të Prishtinës, andaj ne fillimisht i’u bëjmë thirrje të gjitha institucioneve përgjegjëse për të marrë masat për të ndalur punimet rreth funksionalizimit të kësaj kishe”, ka thënë kryetari i Demokracisë Studentore Mexhid Ramusa.
Demokracia Studentore ka paralajëmruar protesta nëse nuk ndalen punimet atje.