Lajme

Daçiq në Karaibe tenton t’i bind vendet e ndryshme se Kosova ende i takon Serbisë

By FerizajPress

March 11, 2017

“Të gjitha këto takime kanë qenë shumë të suksesshme, kemi biseduar hapur dhe nga shumica e këtyre vende kemi marrë mbështetjen e qëndrimeve tona kur bëhet fjalë për integritetin territorial dhe sovranitetin e Serbisë”, ka thënë Daçiq.

Sipas tij, ky takim dhe kjo përkrahje është shumë e rëndësishme për shkak se Serbisë do t’i bjerë përsëri të mbrojë integritetin territorial duke pasur parasysh faktin se Kosova ka deklaruar se do të riaktivizojë aplikimin e saj për anëtarësimin në UNESCO.

Daçiq ka theksuar se për këtë çështje Kosova nuk ka mbështetje edhe nga një numër i vendeve të cilët e kanë njohur.

“E gjithë kjo për ne është shumë e rëndësishme, është e rëndësishme që ata të gjithë të shohin se kemi një interes të veçantë në këtë temë dhe kemi ndikuar që këto vende të ndryshojnë qëndrimin e tyre kur bëhet fjalë për Kosovën”, është shprehur ai./Lajmi.net/