Policia e Kosovës në aksionin e bastisjes së “Call Center” në Prishtinë e Ferizaj ka sekuestruar dokumentacione, pajisje, automjete si dhe kanë ngrirë pasuritë, llogaritë bankare personale dhe biznesore disa personave të dyshuar për vepra penale
Policia e Kosovës në bashkëpunim me zyrtarë policorë nga Gjermania kanë zhvilluar këtë operacion duke sekuestruar kështu folldera me dokumentacione, hard-disqe të kompjuterëve, USB dhe pajisje të tjera, mbi 6000 mijë euro, orë dore, veturë dhe motoçikletë.
Më poshtë mund të lexoni komunikatën e plotë të Policisë:
Siç ju kemi njoftuar më herët sot Policia e Kosovës, në bashkërendim me autoritetet kompetente dhe bazuar në urdhresen e gjykatës themelore në Prishtinë, ka realizuar një operacion kontrolli/bastisjeje në gjashtë (6), lokacione të ndryshme në qytetin e Prishtinës dhe Ferizajt.
Operacioni i kontrollit është kryer në bashkëveprim të ngushtë ndërmjet zyrtarëve të Policisë së Kosovës dhe zyrtareve policor nga shteti i Gjermanisë.
Operacioni i zhvilluar ka pasur për qëllim gjetjen e dëshmive materiale lidhur me vërtetimin e veprës penale “Pastrim i parave”, të cilën dyshohet ta kenë kryer persona të dyshuar të involvuar.
Bastisjet janë kryer në qytetin e Prishtinës në (2) dy lokacione, ndërsa në qytetin e Ferizajt në (4) katër lokacione.
Gjatë këtij operacioni policor janë sekuestruar:
- 63/foldera me dokumentacione të ndryshme në lidhje me aktivitetin e bizneseve të një kompanie.
- Janë konfiskuar një numër i madhe i hard-disqeve të kompjuterëve, USB dhe pajisjeve tjera elektronike të cilat ekspertët e fushës i kanë konsideruar të nevojshme për t’u ekzaminuar .
- Janë sekuestruar gjithësej edhe 6296,50 euro
- 12/orë dore të llojeve t ndryshme si Armani, rolex, festina, fossil, svatsh, boss
- Një veturë e tipit Porshe
- Një mortor i tipit yamaha
Me vendim të Prokurorit të prokurorisë speciale të dyshuarve u janë ngrirë të gjitha llogaritë bankare biznesore dhe ato personale.
Po ashtu u janë ngrirë 8 parcela tokësore prona të të dyshuarve, këtu hyjnë edhe dy shtëpi banimi të cilat gjenden në lagjen Marigona në Çagllavicë.
Pasi të dyshuarit nuk janë gjendur në shtëpitë e tyre, janë urdhëruar që të paraqiten pranë autoriteteve për t’u intervistuar në ditët në vijim.