Presidenti i Komisionit Evropian, Zhan-Klod Junker, është ndërprerë ndërsa po mbante një fjalim në Parlamentin Evropian.
Fjalimi i Junkerit është shoqëruar me duartrokitje nga politikani euroskeptik britanik, Nigel Farage. Pas duartrokitjeve, Junker ka humbur disi qetësinë, duke u kundërpërgjigjur me një batutë: “Kjo është hera e fundit që t’i duartroket këtu”, çka shkaktoi ovacione në sallë.
“Në një farë mënyrë jam i befasuar që ai është këtu. Ai dhe populli i tij kanë votuar për daljen e Britanisë nga BE-ja. Përse je këtu?!”, vijoi fjalimin e tij Junker, ndërsa i drejtohej deputetit britanik.