Kompania Rajonale e Ujësjellësit “Bifurkacioni” ka njoftuar se gjatë ditës, më 14.07.2025, mund të paraqiten probleme me furnizimin me ujë të pijes në disa fshatra të Ferizajit.
Kjo sipas “Bifurkacioni”-t është si rezultat i reduktimeve të energjisë elektrike nga KEDS.
“Mungesa e furnizimit me ujë mund të paraqitet në fshatrat të cilat furnizohen përmes Sistemit të Pompave, që funksionojnë me energji elektrike.” – thuhet mes tjerash në Njoftimin e KRU “Bifurkacioni”.
Me rikthimin e energjisë elektrike pritet edhe rikthimi me furnizimin me ujë të pijes.
“Bifurkacioni” kërkon po ashtu mirëkuptim nga konsumatorët deri në zgjidhjen e problemit, që sipas tyre nuk varet nga ta.