Një biçikletë e bardhë është vendosur afër pishinës së Gërmisë, si homazh për Lorik Restelicën, i cili ndërroi jetë pas një aksidenti në rrugën që çon për në parkun e Gërmisë në Prishtinë, transmeton lajmi.net
‘Ecoweek Prishtina 2016’, ka vendosur edhe disa shenja në rrethojat e pishinës, për të tërhequr vëmendjen e shoferëve që të kenë kujdes ndaj biçiklistëve.
“SLOW DOWN” dhe “KUJDES” do të mbeten në hyrjen e Gërmisë për të rikujtuar përgjegjësinë e vozitësve kundrejt jetës së kalimtarëve ndërkaq biçikleta e bardhë do të mbetet homazhi i merituar për Lorik Restelicën dhe të gjithë çiklistët e tjerë që bëjnë thirrje për shtigjet dhe infrastrukturën e munguar”, thuhet në njoftim. /lajmi.net