Angel Di Maria mund ta vazhdojë karrierën në Serie A. Sipas “Mediaset Premium”, Napoli ka shprehur interesim për lojtarin, përcjellë “Lajmi.net”. Napolitanët tani e kanë dërguar edhe ofertën e tyre në drejtim të argjentinasit. Ata i kanë ofruar anësorit kontratë 3-vjeçare, ku Di Maria do të përfitojë 5 milionë euro në sezon. Carlo Ancelotti e do atë në skuadër, pasi që kanë punuar bashkë edhe te Real Madridi. Kontrata e Di Marias me PSG-në skadon vitin e ardhshëm. /Lajmi.net/