Bashkimi Demokratik për Integrim nuk është duke e lëshuar Qeverinë, vetëm po e freskon ekipin e saj, ka thënë sekretari i përgjithshëm i Partisë dhe ministër i Arsimit në Qeverinë maqedonase Abdilaqim Ademi për TV 21.
Ademi gjatë qëndrimit në Strugë ka thënë se tërheqja e ministrave nuk nënkupton edhe ikje prej Qeverie, porse është e mundshme që të zgjidhen emra të rinj si freskim.
Se si do të veprojë më andej, BDI-ja, varet prej liderit, Ali Ahmeti. Këtë e vërtetuan nga partia, ndërsa në kontekstin e njëjtë është edhe deklarata e shefit të kabinetit të Ahmetity, Artan Grubit.
BDI-ja pardje, më 1 prill, njoftoi se po i tërheq ministrat nga Qeveria, me arsyetimin se kanë në plan “revidimin e politikës në disa ditët e ardhshme”.