AVONET përmes një komunikatë për media ka bërë të ditur se pas reagimit të kësaj organizate në lidhje me futjen e produkteve medicinale në mënyrë të paautorizuar nga Serbia ka reaguar edhe Avokati i Popullit.
Ditë më parë pas deklaratës tonë të cilën kishim për media, rreth importimit në mënyrë të paautorizuar të produkteve medicinale nga Serbia, së fundmi ka reaguar edhe Institucioni i Avokatit të popullit.
Së fundmi AVONET, në adresën e vet ka pranuar një e-mail nga, Institucioni i Avokatit të popullit.
Në përmbajtjen e këtij e-maili drejtuar AVONET-it, thuhet se me pajtim me nenin 16.4 të ligjit Nr.05/L-019 për, Avokatin e Popullit, ky institucion ka hapur hetime me vetiniciativë, duke u bazuar në deklaratën tonë të publikuar në media me datë 12 tetor 2016 me titull “Shëndeti i qytetarëve tashmë po rrezikohet edhe nga produktet medicinale të Serbisë”.
AVONET falënderojmë këtë institucion për reagimin e saj si dhe hapjen e këtij hetimi i cili besojmë dhe shpresojmë se nuk do të has në “vesh të shurdhër”.
Edhe njëherë ne shpresojmë që drejtësia të reagoj sa më shpejt dhe ta kryej punën e saj në parandalimin e importimit të këtyre produkteve me rrezik për shëndetin e popullit, thuhet në komunikatën e AVONET.