Mesfushori kilian gjatë ditës së sotme ka mbërritur në qytetin e Barcelonës, për t’iu bashkuar skuadrës që mban po këtë emër. Katalanët kanë arritur marrëveshje me Bayern Munich për transferimin e 31 vjeçarit për 19 milionë euro. Ish anëtari i Juventusit e së fundit Bayern Munich, nesër (e hënë) do të nënshkruajë kontratën me Barcelonën, para se të shfaqet në konferencën për shtyp para gazetarëve. Vidal është bërë transferimi i katërt i Barcelonës këtë afat kalimtar./Lajmi.net/