Fillimisht, Policia ka njoftuar që me datë 11.09.2016 në ora 18:00 stacioni policor në Malishevë ka marr informatë lidhur me një person të zhdukur nga fshati Balincë, Komuna e Malishevës, ndërsa me datë 12.09.2016 në ora 17:25 viktima është gjetur pa shenja jete në automjetin e tij në afërsi të një pylli në fshatin Mirushë të kësaj komune.
“Sot me datë 14.09.2016 pas një pune intensive operativo hetimore, Sektori Rajonal për Hetime nga Drejtoria Rajonale e Policisë në Gjakovë në bashkëpunim me stacionin policor të Malishevës kanë arritur të identifikojnë dhe të arrestojnë personin e dyshuar”, ka bërë të ditur Policia.
Personi i dyshuar është, N.K shqiptar/ kosovar i moshës 41 vjeçar nga komuna e Malishevës.
Rasti vazhdon të hetohet nga Sektori Rajonal për Hetime në bashkëpunim të ngushtë me Prokurorinë e Shtetit.
Xhavit Kelmendi, vëllai i viktimës, ka deklaruar ditë më parë se vëllai i tij mund të jetë vrarë për shkak të parave që kishte me vete në veturë, rreth 30 mijë euro. /Lajmi.net