Ferizaj, 05.12.2025
Më datën 04.12.2025, në stacionin policor në Ferizaj janë raportuar dy raste të vjedhjes në Ferizaj.
Rreth orës 20:04, në rrugën “Zenel Hajdini”, në një market, është raportuar vjedhja e disa artikujve ushqimorë. Ndërsa rreth orës 21:00, në rrugën “Lulzim Guta”, brenda oborrit të një shtëpie, është raportuar vjedhja e disa palë këpucëve.
Rreth orës 21:20, njësitet policore kanë lokalizuar dhe arrestuar të dyshuarin N.A. (31 vjeç), i cili pas intervistimit në Njësinë e Hetimeve, ka pranuar kryerjen e të dy rasteve të sipërpërmendura.
Bazuar në provat, video-inçizimet dhe mënyrën e kryerjes së veprave, i dyshuari është intervistuar edhe për dy raste të tjera të vjedhjes të ndodhura më herët:
Më 15.10.2025, në rrugën “Esat Mekuli”, kishte vjedhur disa palë këpucë;
Më 31.10.2025, në rrugën “Dëshmorët e Kombit”, në Xhaminë e Madhe në Ferizaj, kishte vjedhur pajisje elektronike të zërimit dhe këpucë.
Edhe për këto raste, i dyshuari ka pranuar përgjegjësinë.
Pas intervistimit nga hetuesit policorë dhe me vendim të prokurorit të shtetit, i dyshuari është liruar në procedurë të rregullt, ndërsa hetimet lidhur me rastet vazhdojnë.
Policia Rajonale e Ferizajt mbetet e përkushtuar në parandalimin dhe zbardhjen e veprave penale, si dhe në garantimin e sigurisë për të gjithë qytetarët.