“Njësitet policore të DHKKO-së pas hetimeve të zhvilluara me 21.01.2017, kanë arrestuar të dyshuarin, burrë shqiptar, pasi që për të njëjtin ekziston dyshimi i bazuar se është i përfshirë në kontrabandim me migrant”, bën të ditur Policia e Kosovës përmes një komunikate për media.
Më tutje thuhet se, “gjatë kontrollit tek i dyshuari janë gjetur dhe konfiskuar dy pasaporta të lëshuara nga Republika e Serbisë, ndërsa në shtëpinë e tij janë gjetur dhe konfiskuar pesë fishekë të armës AK 47, një shtëpizë kompjuteri, dy telefona celular dhe disa dëshmi tjera lidhur me disa transaksione bankare”.
Me urdhër të prokurorit i dyshuari është dërguar në mbajtje.