Hetuesit policor të sektorit rajonal të hetimeve në Ferizaj ,kanë arritur që të identifikojnë dhe arrestojnë dy persona B.G. 25 vjeçar dhe V.S. 26 vjeçar si të dyshuar për tetë raste të grabitjeve me armë në rajonin e Ferizajt,si dhe një rast grabitje me armë në rajonin e Prishtinës, transmeton Klan Kosova.
Lidhur me këto raste, hetuesit policorë kanë siguruar prova të mjaftueshme materiale të cilat janë gjetur me rastin e bastisjes së shtëpisë dhe objekteve tjera përcjellëse të cilat janë:
-1 armë e gjatë AK-47
-1 karikator me 26 fishek,kal.7,62 mm
-1 pistoletë Zastava me një karikator me 22 fishekë 6,35 mm
-42 fishekë 9×19 mm
-1 thikë ushtarake
-1 palë pranga
-1 sprej
Pas intervistimit, me urdhër të Prokurorit të Shtetit,të njëjtit dërgohet në mbajtje për 48 orë.