Shefja e Zyrës së BE-së në Kosovë, Nataliya Apostolova, ka kërkuar që zyrtarët e akuzuar për korrupsion të largohen nga institucionet. Apostolova ka bërë thirrje për miratimin e një sërë ligjesh, përfshirë edhe atë për largimin e zyrtarëve të akuzuar nga institucionet.
Ajo këto deklarata i bëri në konferencën rajonale kundër korrupsionit.
“Është me rëndësi të ketë ligje me standard të lartë dhe të realizohen kontrolle të brendshme. Lufta kundër korrupsionit mbetet prioritet kyç për BE-në në rajon”, ka deklaruar Apostolova.
Ajo ka thënë se luftimi i korrupsionit ndërlidhet direkt edhe me çështjen e liberalizimit të vizave.