Vogëlushi qëllohet pa fund me forcë në duar, në kokë, futet në një dhomë ku kamera nuk filmon gjë, por dëgjohen të qarat e tij mekëse. Administratorja, një ish-gazetare në një televizion informativ shqiptar, Anjeza Shabani, u vu në pranga nga policia mbrëmjen e së hënës, pak pas bërjes publike të videos.
Ishte babai i djalit 3-vjeçar ai që sinjalizoi për situatën e rënduar të vogëlushit i cili vinte në shtëpi i heshtur, pa thënë asnjë fjalë, ndërsa në trup ata i gjetën shenja dhune. Kamera e vendosur zbuloi nga emisionin investigativ, nxori në pah një skandal të vërtetë.
Administratorja e kopshtit, kishte shkuar atje të fotografonte fëmijët me qëllim që t’i reklamonte fotot në faqen zyrtare të kopshtit “Diren” në facebook, duke shfaqur kështu se sa “bukur” kalohej në kopshtin e saj. Pak minuta pasi ka dhunuar të voglin, Anjeza Shabani kthehet mes fëmijëve për t’i fotografuar ata.
“Ti je shumë i mirë në aparat”, – dëgjohet t’i thotë fëmijët administratorja, e cila ka ndërruar “pllakë” tashmë vetëm për të marrë një foto të bukur që reklamon biznesin e saj. Por fëmija nuk ndal dot së qari nga dhimbjet e goditjeve që ka marrë prej saj, ndaj vogëlushi 3 vjeç qan edhe gjatë momentin që Shabani ka nxjerrë i-Phone e saj për të bërë fotot. “Pusho, pusho, mos të dëgjoj më djalë i keq. Po të duroj çik si shumë, kur të them pusho – pusho”, vijon ajo me zë të lartë ndaj fëmijës.
E gjithë kjo skenë e tmerrshme ndodh në sy të fëmijëve të tjerë dhe të edukatoreve. 3-vjeçari shihet teksa mundohet t’i afrohet edukatores për të kërkuar ndihmën e saj, por edhe ajo duket e pafuqishme përballë administratores.
“Tregoji ngjyrat, tërhiqi pak vëmendjen”, – i thotë Shabani edukatores gjatë momentet që fotografon, duke u shmangur të kap ndonjë fragment ku djali mund të duket i dhunuar, duke qarë, apo me veshin e skuqur që i ka shkaktuar tërheqja nda administratorja. “Sa bukur, sa bukur”, – thotë Shabani teksa shikon fotot që ka bërë.
Në një moment kur vogëlushi qan, edukatorja mundohet ta justifikojë para Anjeza Shabanit, në mënyrë që ajo të mos i kthehet sërish me dhunë. “Qan se i dhemb koka, pa dashje”, – dëgjohet ajo.
Kjo skenë e tmerrshme dhune ndodh në një ambient ku prindërit paguajnë para për mbarëvajtjen dhe sigurinë e fëmijëve të tyre. 3-vjeçari nuk është e vetmja viktimë e këtij akti, pasi traumë kanë pësuar edhe fëmijët e tjerë që kanë parë sesi shoku i tyre keqtrajtohet kaq mizorisht. Edukatoret, krejt të heshtura dhe pa kurrfarë reagimi ndaj dhunës, mundohen të luajnë me fëmijët e tjerë për t’i hequr mendjen nga ajo se çfarë realisht po ndodhte në kopshtin privat.
Ky nuk është rasti i parë i dhunës ndaj fëmijëve nga personat që duhet t’i mbronin ata, andaj apeli për ndërhyrje duhet të jetë mjaft i fortë.
[youtube https://www.youtube.com/watch?v=htOXoxRySpc?feature=oembed&w=640&h=360]
The post Anjeza rrihte 3-vjeçarin dhe i bënte foto për reklamë (Video) appeared first on Lajminet.