Gjatë ditës së sotme kryetari i Ferizajt, Agim Aliu, ka pritur në vizitë Ambasadorin e Republikës së Turqisë në Republikën e Kosovës, Shkëlqesia e Tij, Çağrı Sakar.
Në këtë takim u bisedua për mundësitë e bashkëpunimeve të reja në fushën e arsimit.
Këtë e ka bërë të ditur kryetari Agim Aliu përmes faqes së tij në rrjetin social.
“Ambasadori Sakar ishte i shoqëruar nga drejtori gjeneral i Maarif International Egitim Schools of Kosova, Oguz Hamza Yilmaz dhe Mahmut M. Özdil nga “Turkiye Maarif Vakafi”.
Ambasadori i Republikës së Turqisë në Republikën e Kosovës, Shkëlqësia e Tij, Çağrı Sakar nderoi sot Ferizajn me vizitën e tij, bashkë me drejtorin gjeneral të Maarif International Egitim Schools of Kosova, Oguz Hamza Yilmaz dhe Mahmut M. Özdil nga “Turkiye Maarif Vakafi”, me të cilët ndamë idetë e mundësitë për bashkëpunimet e reja në fushën e arsimit, natyrisht duke e falënderuar në emër të gjithë ferizajasve, për bashkëpunimet që sollën rezultate konkrete për shumë fusha të jetës në Ferizaj.
Falënderim të veçantë në emër të familjarëve dhe gjithë ferizajasve për Ambasadorin e Republikës së Turqisë, Shkëlqesinë e Tij, Çağrı Sakar për ndihmën e pakursyer për trajtimin e pacientëve të lënduar nga shpërthimi i bombolës së gazit në restorantin “SteakHouse”.
Kosova dhe Turqia kanë agjendë pune në dobi të qytetarëve, pjesë e së cilës, padyshim është edhe Ferizaj” ka shkruar Aliu.