I pari i Ferizajt, Agim Aliu solidarizohet me familjet e personave të zhdukur. Aliu përmes faqes zyrtare të Komunës së Ferizajt ka publikuar një deklaratë përmes së cilës ka shprehur solidarizimin e tijë me familjet e personave të zhdukur dhe përkrah çdo inisiativë institucionale për zbardhjen e fatit të tyre.
Sot në Ditën Ndërkombëtare të Personave të Zhdukur forcojmë dhe i bashkohemi thirrjes së mbi 1600 familjeve që kanë familjarët e zhdukur gjatë luftës në Kosovë.
Dy dekada pritje, dënesë e shpresë për ndriçimin e fatit të tyre.
Kjo plagë e thellë në trupin e shoqërisë sonë është dëshmia më e plotë e agresionit që përjetuan familjet tona në robëri.
Solidarizohemi me familjet e personave të zhdukur dhe mirëpresim çdo iniciativë institucionale për zbardhjen e fatit të tyre.