Kryetari Aliu, ngushëllon të gjithë ferizajasit për humbjen e legjendës së hendbollit Sheqer Shllaku
Kryetari i Komunës së Ferizajt, Agim Aliu, gjatë ditës së sotme ka ngushëlluar të gjithë ferizajasit, sportistët si dhe familjen Shllaku, me rastin e vdekjes së legjendës së hendbollit ferizajas Sheqer Shllaku.
Postimi i plotë i Kryetarit Aliu:
Lajmi për vdekjen e ikonës së hendbollit ferizajas, punëtorit të palodhshëm sportiv, profesorit të dashur nga të gjithë, Sheqer Shllaku na pikëlloi të gjithëve.
Ferizaj humbi zërin e disiplinës dhe fitores në fushë, modelin e qytetarit dhe familjarin e dashur dhe të përkushtuar.
Gjurma që la Sheqer Shllaku në historinë e vjetër të qytetit të ri është e pashlyeshme në kujtimet e tifozëve, sportdashësve dhe qytetarëve ferizajas.
Ngushëllime familjes dhe miqve të të ndjerit! Ngushëllime qytetarëve dhe sportit ferizajas!