Sa herë vjen 28 Nëntori, ne me krenari kujtojmë gjithë luftërat dhe mundin e madh që bëri kombi ynë nëpër shekuj për liri, shtetësi dhe barazi mes kombeve të tjera. Kujtojmë Nëntorin e Rilindjes së kombit me Skënderbeun dhe Nëntorin e formimit të shtetit me Ismajl bej Vlorën. Kujtojmë ditëlindjen e komandantit suprem të UÇK-së, Adem Jasharit dhe krenohemi me këta viganë të kombit që patëm, ashtu siç krenohemi me të gjithë bijtë dhe bijat e atdheut që me punën, luftën dhe gjakun e tyre ndërtuan Shqiptarinë e përjetshme.
Urime gjithë shqiptarëve anë e kënd botës 28 Nëntorin, ditën e flamurit të kuq me shqiponjën e zezë dy krenare simbol i atdheut dhe qenësisë sonë shqiptare.
Me respekt Kryetari i degës së PDK-së Ferizaj z. Agim Aliu