Ferizaj.23.01.2018 . Kryetari i Komunës së Ferizajt, gjatë ditës së sotme ka pritur në takim Avokatin e Popullit, Hilmi Jashari, i shoqëruar edhe nga bashkëpunëtorët e tij. Gjatë këtij takimi janë diskutuar një mori çështjesh që përfshihen në misionin e Institucionit të Avokatit të Popullit.
Në këtë takim poashtu u bisedua edhe për rolin e institucionit të komunës dhe bashkëpunimin me Institucionin e Avokatit të Popullit për mbrojtjen e të drejtës ligjore të personave fizik dhe juridik pranë autoriteteve publike, promovimit të barazisë, mosdiskriminimit si dhe zbatimit të plotë të legjislacionit në fuqi që garanton liritë themelore dhe të drejtat e njeriut.
Kryetari Aliu u zotua për rritje të intensitetit të bashkëpunimit me Institucionin e Avokatit të Popullit, si adresë e parë e pavarur për trajtimin e kërkesave të qytetarëve që hyjnë në fushë veprimtarinë e institucionit përkatës.