Kryetai i Ferizajt, Agim Aliu, pas rasteve të reja ditëve të fundit në komunën e Ferizajt ka apeluar te qytetarët për kujdes dhe respektim të rekomanduimeve të IKSHP-së për sjellje në kohë pandemie.
“Ju e doni Ferizajn, bëjeni për çdo familje ferizajase duke nisur nga familja juaj, mbroni shëndetin e tyre e duke qëndruar në shtëpi e respektuar rregullat e sjelljes, radhituni në frontin e luftës së përbashkët kundrejt këtij virusi” ka shkruar Aliu.
Kjo është lutja që kryetari Aliu u ka bërë qytetarëve ferizajas.
Lutje ferizajasve
Bashkëqytetarë, virusi COVID-19 ende po vërtitet rreth nesh e për fat të keq po shënon raste të reja. Lehtësimi i masave si duket, ka hasur në disa keqkuptime.
Tash kur Ferizaj po njeh sërish raste të reja me COVID-19, ju lus shmangni ndejat familjare, daljet në sheshe e rrugë pa nevojë, krijoni distancën fizike e shtoni kujdesin për higjienën personale.
Ju e doni Ferizajn, bëjeni për çdo familje ferizajase duke nisur nga familja juaj, mbroni shëndetin e tyre e duke qëndruar në shtëpi e respektuar rregullat e sjelljes, radhituni në frontin e luftës së përbashkët kundrejt këtij virusi.
Gjithëçfarë ju ka munguar, si rëndom para virusit, do ta shijoni së shpejti, porse fillimisht lypset ta normalizojmë situatën duke respektuar sjelljen në kohë pandemie.
Unë e di, besoj tek ju, ne bashkë do ta mundim këtë rrezik!