Manchester United këtë edicion drejtimin e skuadrës ia ka besuar Jose Mourinhos, me të cilin synon rikthimin e ditëve të lavdishme në ‘Old Trafford’.
Ecurinë e Unitedit deri më tani në Premierligë, e ka vlerësuar lartë Alex Ferguson, duke deklaruar se skuadra nuk ka marrë atë që e ka merituar, duke qenë e pafat në shumë ndeshje.
“Ekipi është duke luajtur me të vërtetë mirë dhe deri më tani kanë qenë shumë të pafat. Ata kanë barazuar në gjashtë ndeshje 1:1, dhe pse kanë qenë më të mirë se kundërshtarët”, ka deklaruar Ferguson për BBC, përcjell lajmi.net.
“Nëse do të fitonin në këto ndeshje, ata do të sfidonin Chelsean. Kjo është për të ardhur keq, por duhet të pajtohemi me këtë”.