Albesa Shabani nga Gjilani në afat rekord e ka përfunduar vlerësimin për provimin e licencës gjermane. Puna dhe angazhimi i Albesës i ka habitur edhe profesorët dhe komisionin vlerësues. Albesa pas këtij hapi të madh fillon specializimin e saj në degën e internos. Albesa Shabani nga Gjilani pas një angazhimi e përkushtimi maksimal prej gjashtë muajsh ka arritur të përfundojë me sukses në Mannheim të Gjermanisë provimin e licencës gjermane.
Albesa ka befasuar profesorët gjerman dhe opinionin profesional vlerësues mjekësor gjerman. Ajo në afat rekord dhe me shumë rezultat pozitiv e ka mbaruar këtë sfidë duke vazhduar tutje specializimin si një specializante në degën e internos.
Nexhat Shabani prindi i Albesës që gjithashtu është një urolog i njohur i cili vazhdimisht merr pjesë në konferenca e kongrese ndërkombëtare në fushën e urologjisë tha se e ka pritur suksesin e Albesës, por vërtet befasia është e këndshme sepse pothuajse disa muaj para kohe e ka përfunduar provimin.”Unë shpresoj se Albesa do të bëhet një mjeke dhe një kuadër i mirëseardhur për shëndetësinë kosovare”tha Shabani.