Në kryqëzimin e rrugës magjistrale Ferizaj-Prishtinë me rrugën “Driton islami” në Ferizaj, rreth orës 18:00 ka ndodhur një aksident komunikacioni mes dy veturave ku për pasojë është një femër e lënduar.
E lënduara në këtë aksident është dërguar në Emergjencën e Spitalit nga ekipi i ndihmës së shpejt të QKMF-së së Ferizajt.
Mjeku kujdestar i QKMF-së i cili ka asistuar në rastin i tha FerizajPress se pacientes i është dhënë ndihma e parë dhe është transferuar në Emergjencën e Spitalit ku po vazhdon trajtimin.
Sipas mjekut kujdestar të emergjencës gjendja e pacientes është stabile.
Policia e trafikut ka dalë në vendin e ngjarjes dhe po merret me rastin.