Kryetari i Komunës së Prishtinës, Shpend Ahmetin ka thënë se ende është duke e pritur deklaratën e ambasadorëve të Quintit mbi përgjimet dhe vazhdimin e kapjes së shtetit.
“Ende po pres deklaratat e ambasadorëve posaçërisht atyre të quintit mbi përgjimet dhe vazhdimin e kapjes së shtetit. Derisa njëri ambasador nënshkruan marrëveshje me PDK-në dhe Isën, në Termokosin e uzurpuar kryetari dhe nënkryetari i PDK-së për Prishtinë kanë punësuar disa anëtarë të familjes së vet. Këta të qesin hi syve qysh edhe shprehen në përgjime. Nuk munden ata që janë definicion i nepotizmit, me e luftu atë”, ka shkruar Ahmeti në Facebook.