Kryetari i Komunës së Ferizajt, Agim Aliu ka uruar qytetarët e komunitetit rom në ditën ndërkombëtare të tyre.
Aliu në urimin e tij ka vënë theksin në modelin e bashkëpunimit të kësaj komune me këtë komunitet.
“Me rastin e Ditës Ndërkombëtare të Romëve, Kryetari i Komunës, Agim Aliu uron gjithë familjet rome në Ferizaj dhe anembanë vendit, në ditën e tyre, duke vënë theksin tek modeli i bashkëpunimit që ka Komuna e Ferizajt me këtë komunitet, për të çuar përpara agjendën qytetare drejt përmbushjes së kërkesave të këtij komuniteti”, shkruan Aliu.
Kujtojmë që 8 prilli është Dita Ndërkombëtare e Romëve.