Ferizaj.19.10.2017. Kandidatipër Kryetar të Komunës së Ferizajt nga radhët e PDK-së, z. Agim Aliu, sot ka zhvilluar disa vizita në kompani gjigande që operojnë në Komunën e Ferizajt. Në këto vizita, ishte i shoqëruar edhe nga Kryetari i PDK-së z. Kadri Veseli, si dhe deputeti i Kuvendit të Kosovës, z. Elmi Reçica.
Kandidati Aliu, vizitoi kompanitë “Dardania Model”, “Kosova Model” si dhe kompaninë “BFF Company- Pit Bull”.
Ndër të tjera ai u shpreh se “boshti i platformës sime qeverisëse është mbështetja për bizneset, ku ne synojmë që të krijojmë lehtësira për hapjen e vendeve të reja të punës përmes formave tashmë të prezentuara të subvencionimit të bizneseve”. Po kështu, Aliu theksoi se: ”Bizneset i japin energji Ferizajt, ne do ua shtojmë energjinë bizneseve duke i fuqizuar ato. Bizneset janë forcaendryshimit për Ferizajn”.