Kryetari i Komunës së Ferizajt, Agim Aliu emëron drejtorin e ri të Drejtorisë së Arsimit
Me qëllim që të mos shkaktohet ngecje në dinamikën e punës dhe vakum institucional për të proceduar lëndët, pasditen e sotme Kryetari i Komunës së Ferizajt, Agim Aliu ka emëruar drejtorin e ri të Drejtorisë së Arsimit.
Drejtor i ri i Drejtorisë së Arsimit është emëruar z. Afrim Llabjani.
Drejtori i ri i Drejtorisë Komunale të Arsimit, Afrim Llabjani ka të përfunduar Fakultetin Filozofik, dega Pedagogji. Ai ka përvojë të gjatë në sektorin e arsimit, duke shërbyer në këtë drejtori për shumë vite me radhë.
Kryetari i Komunës së Ferizajt, Agim Aliu është i vendosur të çoj përpara vizionin e tij për arsimin në nivelin lokal, pavarësisht sfidave të mëdha me të cilat po ballafaqohet aktualisht kjo drejtori, po ashtu me një dinamike të shtuar të punës e transparencë e cila deri më tani është dëshmuar plotësisht, të zgjidh problemet e trashëguara ndër vite në këtë drejtori.