Daut Haradinaj është kthyer në krye të Komisionit për Punë të Brendshme dhe Siguri pas një kohe të gjatë, pasi që Aleanca për Ardhmërinë e Kosovës kishte vendosur të bojkotonte punët e Parlamentit të Kosovës, njofton Klan Kosova.
Në mbledhjen e sotme të këtij komisioni do të raportojë drejtori i Përgjithshëm i Policisë së Kosovës, Shpend Maxhuni, rreth situatës së sigurisë në Kosovë.
Haradinaj ka thënë se kishin bojkotuar punën për të respektuar vendimin e liderëve partiakë, porse tash, bashkë me kolegun nga Nisma, Zafir Berishën, kanë vendosur të rikthehen.
“Ne përkohësisht e kemi bojkotuar punën e Komisionit, kemi respektuar vendimin e liderëve partiakë. Sot bashkë me Zafir Berishën kemi vendosur t’i kthehemi punës së komisionit, duke pas parasysh gjendjen e sigurisë në vend pasi që sot raporton drejtori i policisë”.
The post AAK e Nisma kthehen në Kuvend appeared first on GazetaBlic.