Kryetari i Prishtinës, Shpend Ahmeti, në emisionin “Info – Box” të RTV Dukagjinit ka thënë se në Lëvizjen Vetëvendosje (VV) dhe organet e saj nuk është diskutuar që ai të jetë kandidat për kryeministër nga kjo parti.
Sipas tij, ata kanë insistuar që postin e kryeministrit ta ketë VV-ja, dhe “pastaj janë organet e partisë ato që vendosin për emër”.
“Është e vërtetë që sekretari Molliqaj ka dalë dhe ka thënë se dy kandidatë për kryeministër janë: Visar Ymeri dhe Albin Kurti. Unë mendoj se edhe ai e ka gabim. Jo pse janë ata dy emra, por këtë organet e partisë duhet ta vendosin. Ky propozim ka qenë gjë e natyrshme për shkak se Visar Ymeri kryetar i partisë, derisa Albini, edhe pse është deputet, ai mbetet si lider i VV-së. Mendoj se ai e ka thënë prej atij aspekti”, ka shtuar Ahmeti./Telegrafi/
[youtube https://www.youtube.com/watch?v=8zaNmD4lKjc?feature=oembed]