Në Ditën Ndërkombëtare të Punës, sot në Han të Elezit protestuan ish punëtorët e kombinatit SharrCem, të cilët kërkuan nga autoritetet më të larta të vendit që të kërkojnë nga Agjencia Kosovare e Privatizimit, ta kthejnë kombinatin në duar të ish-punonjësve.
Punëtorët u bashkuan te stacioni i trenit në Han të Elezit dhe vazhduan marshin drejt portës së Cimentos.
Kryetari i Këshillit për Mbrojtjen e të Drejtave të Punëtorëve dhe Shoqërisë Aksionare, Xheladin Laqi gjykoj AKP-në për privatizimin ilegal të ish kombinatit “Sharr”, ku mbi 1 mijë e 100 punëtorë i largoi dhunshëm nga vendet e punës edhe pse ishin aksionar.
Ky Këshill ka prova të mjaftueshme kundër AKP-së, se ka shkelur të gjitha ligjet vendore dhe ndërkombëtare, dhe ka bërë privatizimin mbi privatizim.
Laqi ndër pesë kërkesat e tij kërkon nga Prokuroria e shtetit që urgjentisht të heton privatizimin e kësaj ndërmarrje dhe punëtorëve t’iu kthehet statuti i shoqërisë aksionare në vendet e punës dhe t’iu bëhet kompensimi për aq vite, që me dhunë u larguan nga vendet e punës nga uzurpuesit e fabrikës.
Protestuesit gjatë marshit brohoritshin poshtë AKP, poshtë uzurpatoret, qeveri t’i ku je klasën punëtore pa bukë e ke.