Kryevepra infrastrukturore “Bashkimi i Qytetit” faza e parë tashmë ka përfunduar dhe qytetarët po shijojnë pjesën e parë të kësaj vepre moderne me arkitekturë perfekte.
Në ditët në vijim do të vazhdohet me punime për përfundimin e parkingut për vetura, nënkalimit për këmbësorë në rrugën “Emin Duraku” si dhe përfundimi i platosë me një projekt unik që do ti shtoj edhe më shumë rëndësinë dhe bukurinë këtij projekti.
“Si dy projekte të ndara nënkalimi për vetura dhe vazhdimi i nënkalimit për këmbësorë i kushtuan arkës së shtetit rreth 5.5 milionë euro dhe përveç rëndësisë së pakontestueshme si projekt për rritjen e funksionalitetit dhe sigurisë së lëvizjes, është i pari projekt në Komunën e Ferizajt që bënë kthimin e komplet investimit në afat rekord kohor” ka shkruar Drejtori i Infrastrukturës në Ferizaj, Arbër Bytyqi.