Në kohën kur po mbahej tubimi i AKR-së në të cili kryetari I këtij subjekti politik Behgjet Pacolli deklaroi se AKR në Ferizaj mbetet e unifikuar dhe e fuqishme u bënë publike dorëheqje nga funksionet e këtij subjekti politik.
Sekretari i degës së AKR-së në Ferizaj, Amir Rexhepi ka bërë publike se ka dhënë dorëheqje të parevokueshme nga të gjitha funksionet në këtë subjekt politik.
“Të nderuar miq e bashkëpunëtorë!
Që nga dita e sotme kam vendosur që të tërhiqem në mënyrë të parevokueshme nga të gjitha funksionet e mia në AKR!” përfundon njoftimi. Amir Rexhepi ka bartur pozitën e sekretarit të degës.
Të njëjtin veprim e ka bërë edhe Denis Rashiti i cili ka bërë publike dorëheqjen nga pozita e kryetarit të nëndegës së XII të AKR-së në Ferizaj.
Ndryshe Amir Rexhepi ishte edhe kandidat për kryetar të Ferizajt nga AKR në zgjedhjet e fundit lokale
Burime të FerizajPress bëjnë të ditur së shpejti priten dorëheqje edhe nga Makfire Musa, asambliste komunale, Zekir Bytyqi, drejtor aktual në Drejtorinë e Zhvillimit ekonomik. Gjithnjë sipas këtij burimi priten edhe dorëheqje në nëndegët në; Koshare, Varosh, Mirosalë, Pleshinë , Nëndega II, Nëndega III, Nëndega VII si dhe disa anëtarë të Këshillit Drejtues.
Se si do të zhvillohen ngjarjet në këtë subjekt politik pritet të shihet ditëve në vazhdim.
