29,03,2024

Vdes ushtari zviceran, u sëmur në Kosovë

Must Read

Ushtarët-zviceran

Një ushtar zviceran i Swisscoy, ka vdekur natën e së enjtes në të premte, në spitalin universitar në Lozanë. Ai në Kosovë ishte sëmurë rëndë dhe ishte detyruar të kthehet në Zvicër.

Shkaqet e vdekjes së tij ende nuk dihen saktësisht, thuhet në një komunikatë të Qendrës kompetente ushtarake SWISSINT, njofton „Shtegu.com“. Për momentin janë duke u zhvilluar edhe hetime plotësuese. Për shkak të ruajtjes së të dhënave personale, SwISSINT nuk e ka bërë të ditur moshën e ushtarit të vdekur.

Paraprakisht, ushtari zviceran kishte qëndruar një ditë në spitalin ushtarak të trupave mbrojtëse të NATO-s në Kosovë. Të shtunë e kaluar, ai ishte sjellë me helikopter në Zvicër, për tu vendosur në spitalin universitar në Lozanë, ku përfundimisht humbë betejën.

Udhëheqësia ushtarake zvicerane dhe SWISSINT janë tronditur nga ngjarja, duke u shprehë ngushëllimet më të sinçerta familjarëve.

Edhe në muajin mars, ushtria zvicerane kishte informuar për një rast vdekjeje. Një ushtar 28-vjeçar kishte vdekur pas sëmundje të shkurtër. Drejtësia ushtarake zvicerane kishte hapur një hetim për të sqaruar shkaqet e vdekjes.

 

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img