28,03,2024

UShAF me Marrëveshje Bashkëpunimit me Universitetin “Aleksandër Moisiu” në Durrës

Must Read

Mbi 150 studentë të viteve të III-ta të Universitetit të Shkencave të Aplikuara në Ferizaj (UShAF), të shoqëruar nga Rektori, Prof. Dr. Agron Bajraktari dhe stafi akademik e administrativ i Universitetit, po qëndrojnë për vizitë në qytetin e Durrësit, Shkodrës, Tiranës dhe Vlorës, ku po realizojnë vizita në vendet turistike të Shqipërisë.

Studentët gjatë kësaj vizite patën mundësi të shohin vendet më të bukura, ndërtimet arkitektonike, veprave të artit, zhvillimin dhe menaxhimin e turizmit dhe hotelierisë dhe pjesët historike të kulturës së Shkodrës, Durrësit, Tiranës dhe Vlorës.

Gjatë kësaj vizite studentët u njoftuan për kontributin që dhanë shqipëtarët ndër breza, i cila u kurorëzua me Shpalljen e Pavarësisë së Shqipërisë dhe 28 Nëntorin e vitit 1912.

E veçantë e kësaj vizite ishte Marrëveshja e Bashkëpunimit me Universitetin “Aleksandër Moisiu”, në Durrës, të nënshkruar nga Rektori Bajraktari dhe Rektorja e Universitetit “Aleksandër Moisiu”, Prof. Dr. Kseanela Sotirofski, ku përmes kësaj Marrëveshje do të bëhet i mundur shkëmbimi i përvojave në mes të universiteteve, si dhe do të mundësohet shkëmbimi i stafit akademik dhe studentëve në mes të këtyre dy universiteteve.

Rektori Bajraktari dhe Rektorja Sotirofski para studentëve kujtuan kohën e luftës në Kosovë, si dhe mbështetjen e parezervë që i bëri shteti shqipëtar Kosovës në strehimin e mijëra kosovarëve, të cilat u dëbuan nga zonat e luftës. Po ashtu, të dy Rektorët u zotuan që do të përpiqen që të realizojnë Marrëveshjen në mënyrën më të mirë të mundshme.

I pranishëm gjatë ceremonisë së nënshkrimit të Marrëveshjes ishte edhe Ambasadori i Kosovës në Tiranë, z. Sylë Ukshini, i cili përshëndeti studentët dhe të pranishmit dhe tha se ndihet i privilegjuar të jetë në mesin e studentëve nga rajoni i Ferizajt. Sipas tij Marrëveshja erdhi në një moment historik, në 20 vjetorin e çlirimit të shtetit të Kosovës dhe uroj që ky bashkëpunim të thellohet edhe më shumë në të ardhmen.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img