Shumë shpejtë telefonat do të karikohen me valë në distancë pa patur nevojë për tela

SHBA jep “Ok” për sistemin inovativ për rikarikimin “wireless”. Jo vetëm rikarikim wireless për smartphone-t e gjeneratës së re – në të ardhmen, bateria e telefonave dhe pajisjeve të tjera elektronike mund të karikohet edhe pa kontaktin me bazën e rikarikimit. Në Shtetet e Bashkuara, Autoriteti për Telekomunikacionet (FCC) ka dhënë Ok për një sistem të ri të zhvilluar nga një startup i Silicon Valley, që ju jep mundësinë të rikarikoni bateritë e pajisjeve të ndryshme që ndodhen në një rreze rreth 90 centimetra.
Teknologjia do të prezantohet në CES 2018 (Consumer Electronics Show), në Las Vegas (9 – 12 janar) dhe do të realizohet nga kompania kaliforniane Energoues në San Jose. Ajo shfrytëzon transmetuesin WattUp Mid Field që konverton elektricitetin në frekuenca radio dhe e transmeton më pas energjinë në pajisjen aty afër me një marrës të dedikuar.
WattUp mund të karikojë shumë pajisje njëkohësisht – nga telefonat e tabletët tek tastierat dhe kufjet – mjaft që të jenë të lidhur me burimin e duhur. Falë ekosistemit të WattUp ju mund të karikoni telefonin tuaj Samsung edhe nëse transmetuesi është prodhuar nga Sony apo Apple. Burimi:Monitor