Kultura-Arti

Promovohet libri “Mbarësitë e zhvillimit të arsimit të Ferizajt 1941-1999”


Ferizaj.03.11.2017. Në Qendrën e Kulturës në Ferizaj, është bërë promovimi i librit “Mbarësitë e zhvillimit të arsimit të Ferizajt në vitet 1941-1999”, i autorit Tefik Ajvazi.
Redaktori librit, Latif Nallbani, tha se ky libër flet për mësimdhënësit që kanë lënë gjurmë të pashlyeshme në arsimimin e gjeneratave të reja.
Ish-drejtori i Entit Pedagogjik të Kosovës Halim Hyseni, tha se autori Ajvazi përmes këtij libri ka treguar rëndësinë që ka pasur arsimi ndër vite.
Para adhuruesve të librit, autori Tefik Ajvazi, tha se ky libër i dedikohet plejadës së parë të personaliteteve të arsimit të cilët u vetëflijuan për shkollën shqipe.
Përveç këtij libri, autori Tefik Ajvazi në vitin 2015 kishte botuar edhe librin “Vatra e shuar atërore”, transmeton Televizioni Tema.

To Top