Reperja e njohur Loredana Zefi është arrestuar mbrëmjen e djeshme nga policia e Luzernit. Lajmi është bërë i ditur nga media “20 minuten”, i cili ka shpalosur historinë dhe akuzat që rëndojnë mbi Loredanën.
Zvicerianja dhe bashkëshorti i saj 53-vjeçar kanë deklaruar se Loredana dhe vëllai i saj u kanë marrë të gjitha paratë e tyre. Madje zonja Petra Z., ka shtuar se ka dashur të vrasë edhe veten pas humbjes së parave të tyre.
Tashmë thuhet në artikull, ka fakte për të gjitha transaksionet bankare që janë bërë nën kërcënimin dhe kanosjen e çiftit zvicerian.
Çifti zvicerian i kanë dhënë vitin e kaluar para cash vëllait të këngëtares derisa në lojë është paraqitur Loredana. Kjo e fundit është e dyshuar dhe e akuzuar për një dëm financiar rreth 700,000 franga, kurse vëllai i saj, Berati për 200,000 franga të tjera.
Zvicerianja shprehet:
“Më kanë mashtruar, shantazhuar, detyruar dhe kërcënuar. Loredana dhe vëllai i saj kanë marrë gjithçka nga ne. Paratë tona. Thjesht çdo gjë që ne si njerëz të zakonshëm kemi punuar shumë për to. Për shkak të saj kam dashur ta vrasë veten.”
Gjithçka ka nisur në qershor të vitit 2016 është shprehur Petra. Ajo ndihej e vetmur ato ditë dhe kishte vendosur të hynte në portalin “Badoo”, ku fillimisht kishte pranuar kërkesën nga një mik Antonio Cas.
Në këtë portal ajo kishte njohur njerëz të ndryshëm, por biseda më Antonion i shkonte shumë mirë. Ata flisnin edhe në WhatsApp. Ajo shprehet se Antonio dukej i besueshëm. I kishte thënë se ishte i divorcuar dhe se punonte si shofer doganor.
Në shtator të vitit 2016, dy muaj pas njohjes Antonio i kishte kërkuar para Petrës. I kishte thënë se kishte nënë sëmurë dhe se kishte nevojë për transplant veshke. Zonja Petra i dha 87 mijë franga dhe premtoi se do e ndihmonte deri në fund. Personi me të cilin kishte folur kaq gjatë Petra nuk ishte Antonio por Berati, vëllai i Loredanës.
