Shkolla e cila me krenari mbanë emrin e dëshmorit Avdylgafurr Luma, tashmë është bërë me objekt të ri shkollor, me hapësira të zgjeruara dhe moderne të mësimit.
Në ceremoninë inauguruese Kryetari i Komunës së Kaçanikut Besim Ilazi, uroi nxënësit, mësimdhënësit dhe banorët për shkollën e re moderne të ndërtuar sipas standardeve të larta.
“ Jemi sot këtu për të përuruar një objekt të ri shkollor, i cili përmbush standardet dhe kriteret e avancuara të kohës, ku mësimdhënësve do të ju krijoj kushte për mësim, ndërsa nxënësve kushte për mësimnxënie. Më shumë krenarë në këtë ditë na bën emri i dëshmorit të cilin e mbanë shkolla, një figurë që ishte inspirim dhe motivim për të gjithë, ndërsa vetëm përmes punës dhe angazhimeve tona do të nderojmë jetën dhe veprën e të gjithë atyre që luftuan dhe vepruan për mbrojtje të vendit” tha mes tjerash kryetari Ilazi, i cili falenderoi Ministrinë e Arsimit, si dhe ish ministrin Arsim Bajrami dhe deputetin Ilmi Reqica për punën dhe angazhimin e tyre për jetësimin e këtij projekti madhështor.
“Realizimi i projektit të ndërtimit të kësaj shkolle në fshatin Glloboçicë, do të mundëson plotësimin e kërkesave të sotmes dhe sfidat e së ardhmes duke e ngritur një institucion arsimor që do të ofrojë mundësi nxënësve për arsim cilësor.Urime!” ka thënë deputeti Elmi Reçica.
Të pranishmit i përshëndeti dhe i falenderoi për pjesëmarrje edhe Drejtori i Shkollës Fillore “ Gafurr Luma” Afet Ceka, i cili të pranishmëve u dëshiroi mirëseardhje në përurimin e tempullit të diturisë, ndërsa falenderoi Ministrinë e Arsimit si dhe Kryetarin Ilazi për angazhimin e parreshtur që ky projekt të jetësohet.
Të pranishmit i përshëndeti edhe deputeti Ilmi Rqica si dhe zëvendës ministri në detyrë i arsimit Azem Guri.
Në fund u shfaq një program artistik i përgatitur nga nxënësit e kësaj shkolle.
