Ferizaj

Nënshkruhen kontratat e para të studentëve për punësim sezonal në Antalya të Turqisë


Publikuar më:


Ferizaj.12.03.2018. Në kuadër të Marrëveshjes së Bashkëpunimit në mes të Universitetit të Shkencave të Aplikuara në Ferizaj (UShAF) dhe Agjencioneve: “AYT Career” në Turqi dhe “Alba Berisha Consulting”, u nënshkruan kontratat e para të studentëve për punësim sezonal me Hotelin “Adalya Lara Elite” në Antalya të Turqisë.
Kontratat u shpërndanë nga menaxheri general i Agjencionit “AYT Career”, z. Hakan Bahadir Sert dhe drejtoresha e Agjencionit “Alba Berisha Consulting”, znj. Albana Berisha, të cilët u shprehën të kënaqur nga numri i studentëve të cilët kanë aplikuar dhe vullneti i tyre për të punuar dhe përfituar njohuri në lëminë e hotelerisë dhe turizmit.

Rektori i UShAF, Prof. Dr. Agron Bajraktari i përgëzoi përfaqësuesit e agjencioneve për punën e bërë dhe i falënderoi ata për mundësin që po ua japin studentëve, të cilët sipas tij në hotelet e Antalyas përveç përfitimit material, do të kenë mundësinë të përfitojnë edhe njohuri dhe përvoja, të cilat do të mund t’i aplikojnë në profesion dhe në jetën e tyre.

To Top