Lajme

Nënë Tereza u shpall e shenjtë nga Papa Françesku


Publikuar më:


Murgesha katolike, e cila tërë jetën e saj ia kushtoi ndihmës njerëzve të varfër të Indisë, u shpall e shenjtë në një meshë kanonizimi të drejtuar nga kreu i Kishës Katolike, papa Françesku.

“E shpallim Terezën e bekuar të Kalkutës të shenjtë dhe e vendosim në mesin e të shenjtëve, duke kërkuar që  ajo të nderohet si e tillë nga e tërë Kisha”, ka thënë papa Françesku duke e lexuar “formulën e shenjtërimit”.

Papa argjentinas drejtoi sot meshën e shenjtërimit të humanistes shqiptare Nënë Terezës.

Nga sot, laureatja e Çmimit Nobel për Paqe, do të quhet Shën Tereza.

Mesha e shenjtërimit të Nënë Terezës ka filluar në ora 10:30 dhe është duke vazhduar edhe tani.

Rreth 100,000 njerëz nga e mbarë bota, përfshirë edhe delegacione të larta shtetërore, kanë marrë pjesë në ceremoninë e shenjtërimit të humanistes shqiptare në sheshin Shën Pjetri në Vatikan.

Comments
To Top