Skuadra e njohur italiane Padova, që garon në Serie B, ka firmosur me mesfushorin Drilon Sadiku. “Padova informon se është arritur marrëveshja me mesfushorin belg, me origjinë nga Kosova, i lindur në vitin 2000. Ai vjen nga klubi Waasland-Beveren.
Drilon Sadiku ka lindur në Ferizaj të Kosovës më 27/05/2000. Ai u zhvendos si një fëmijë në Belgjikë me prindërit e tij, ku filloi karrierën e tij në SKSN Sint-Niklaas. Në vitin 2014/2015 ai u transferua në Waasland-Beveren, gjithashtu në Belgjikë, ku luajti për grupmoshat e reja”, thuhet mes të tjera nga klubi italian.
Ndërkaq, trajneri i klubit Vizioni nga Ferizaj, Vigan Shaqiri është krenar që një lojtar që e ka zbuluar ai është në ekipin italian. “ Drilon Sadiku ish lojtar i të gjitha gjeneratave te KF VIZIONIT si dhe lojtar personal i imi në stërvitjet intensive dhe individuale, ka nënshkruar kontratë profesionale me klubin e njohur Padova nga Italia e cila bën pjesë në kategorinë Serie B”, shkruan Shaqiri.
