Mamografi mobil i cili këtë muaj mbush dy vite që është sjellë në Kosovë më në fund arrinë edhe në Ferizaj.
“Nga sot ka filluar ekzaminimi i fermave të cilat duan të përcjellin gjendjen e tyre shëndetësore për sëmundjes së kancerit të gjirit. Ka rënë që ky mamograf në Ferizaj të vije në muajin kur edhe është muaji kundër luftës së kancerit të gjirit dhe kur zhvillohet një fushat për sensibilizimin e grave të të bëjnë kontrollat dhe të identifikohet dhe parandalohet kjo sëmundje. Mamografi do të qëndroi në Ferizaj deri më 17 tetor dhe shfrytëzoi rastin që tu bëjë ftesë të gjitha atyre grave që kanë simptome dhe ndonjë histori të kësaj sëmundje të shfrytëzojnë rastin të kryejnë kontrollat” tha Ibadete Ismajli, drejtoreshë e QKMF-së
Edhe Nebahate Avdiu, radiologe pranë QKMF-së ka ftuar të gjitha gratë që janë të interesuar të paraqiten tek QKMF dhe të bëjnë ekzaminimin e gjirit përmes të cilit me detektim të hershëm mund të pengohet kjo sëmundje.
Ardhjen e mamografit mobil në Ferizaj e ka përshëndetur edhe Drejtori i Shëndetësisë ferizajase Burim Karameta i cili këtë e ka cilësuar si një mundësi të për zvogëlimin e pritjes në radhë për të bërë këtë diagnostikim.
“Edhe pse QKMF në Ferizaj kohë më herët është pajisur me një aparaturë të tillë kjo do të jetë një ndihmë për zvogëlimin e kohës së pritjes për pacientet” ka thënë tha Karameta.
Të gjitha femrat e moshës 40-70 vjeçare në komunën e Ferizajt do të kenë mundësinë që të kryejnë testet për diagnostikim të hershëm të kancerit të gjirit.
Përgjegjësit e QKMF-së në Ferizaj kanë bërë të ditur se në mamografin i cili gjendet në këtë qendër deri më tani janë kryer kontrolla të 508 pacientëve, ndërsa vetëm në vitin 2016 janë kontrolluar 346 pacientë.
Ndryshe, kjo aparaturë e cila është blerë nëpërmes donacioneve të ndryshme, menaxhohet nga MSH-ja ndërsa Grupi i Grave deputete monitorojnë punën e tij të cilat ishin edhe iniciues të këtij projekti.
Vlera e këtij mjeti, thuhet se kap shifrën prej 265 mijë eurosh.
