Ferizaj.17.01.2018. Në kuadër të takimeve të rregullta që po mban kryetari i Ferizajt,Agim Aliu, këtë të mërkurë ka takuar trajnerët e klubit të boksit, Besnik Vranovcin dhe Fadil Varvarën.
Me këtë rast kryetari Aliu ka dëgjuar hallet e këtij klubi dhe ka shprehur gatishmërinë që të ndihmoi këtë klub.
Nga ky takim Vranovci është shprehur shumë i kënaqur pasi Aliu me kujdes e ka dëgjuar për problemet që e kanë munduar këtë klub, si dhe për mbështetjen në të ardhmen.
“Takimi me kryetarin ka qen shumë domethënës për mua, sepse pres që Agim Aliu të na mbështet shumë në të ardhmen. Boksi është sport individual ku edhe po i arrijmë sukseset më të mëdha. Besoj se më një mbështetje nga Komuna jonë ne do arrijmë shumë suksese që do të mburret edhe Kosova por edhe vendi ku jetojmë, pra Ferizaj. Kryetari na dëgjoj për hallet tona dhe na premtoj se nuk do të na le pa mbështetje, me çka edhe e falënderoi publikisht” deklaroi Vranovci
