29,03,2024

“Kriteri i vetëm që mund t’i bëjë vëllezër kroatët e shqiptarët është vrasja e serbëve”

Must Read

“Kriteri i vetëm që ju të jeni vëllezër me Kroacinë është se keni marrë pjesë në vrasjet e serbëve. Ndjej keqardhje që kjo po ndodh dhe se politikanët kroatë nuk po munden të gjejnë një mënyrë për t’u lidhur me rrethin e tyre dhe të gjejnë ndonjë vlerë tjetër për ta quajtur dikë vëlla”, ka thënë Vulin duke iu kundërpërgjigjur komenteve të presidentes kroate e cila në Parlamentin shqiptar tha se kroatët dhe shqiptarët janë “vëllezër të armëve”, raportojnë mediat serbe.

Vulin tha se “pjesëmarrja në vrasjet e serbëve” nuk është diçka për të qenë krenar, transmeton lajmi.net.

“Gjithmonë jam i brengosur nëse ky është mesazhi i vetëm për të ardhmen dhe kriteri i vetëm për qenë vëllezër me shtetin, njerëzit apo politikën kroate, që keni marrë pjesë në vrasjet e serbëve”, theksoi Vulin.

Presidentja kroate, Kolinda Grabar-Kitaroviq, të enjten në Kuvendin e Shqipërisë, tha se Shqipëria ka qenë mik i Kroacisë kur miqtë ishin të paktë.

“Shumë shqiptarë sakrifikuan jetën e tyre për Kroacinë dhe ne nuk harrojmë”, tha Kitaroviq.

“Shqipëria ishte miku ynë kur na u desh… Ishim vëllezër në plotkuptimin e fjalës para se të anëtarësoheshim në NATO së bashku më 2009. Shumë shqiptarë sakrifikuan jetën e tyre për Kroacinë dhe më besoni – Kroacia nuk do ta harrojë këtë”, tha Kitaroviq, duke iu referuar shqiptarëve që luftuan në luftën e Kroacisë për pavarësi në vitet 1991-1995. /Lajmi.net/

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img