28,03,2024

Komandati i KFOR-it, i ndanë mirënjohje Kryetarit të Ferizajt, Agim Aliu

Must Read

Komandati i Përgjithshëm i KFOR-it, Lorenzo D’Addario i ndau Kryetarit të Ferizajt, Agim Aliu mirënjohje dhe dhuratë për suksesin në operacionin simulues “Shpata e Argjendtë”

Angazhimi i dhjetëra zyrtarëve komunal, drejtuesve e pjesëtarëve ushtarak vendor e ndërkombëtar, Policisë së Kosovës, Forcës së Sigurisë së Kosovës, staf i emergjencave civile, zjarrfikësit, ndërmarrjeve publike, Agjencia e Menaxhimit të Emergjencave, Këshillit të Sigurisë së Kosovës dhe vet të parit të Ferizajt, Agim Aliu me drejtorët komunal javë më parë në operacionin e simuluar për vërshime të titulluar “Shpata e Argjendtë” organizuar nga KFOR-i si masë përgatitore dhe rritje e aftësive në menaxhimin lokal të fatkeqësive natyrore, u vlerësua nga po këta të fundit me nota pozitive dhe dhuratë/mirënjohje për këtë bashkëpunim.

Për të marr vlerësimin dhe analizën e plotë të sektorëve komunal lidhur me organizimin, koordinimin dhe reagimin e autoriteteve lokale të Ferizajt në këto situata, mori pjesë Kryetari i Komunës së Ferizajt, Agim Aliu bashkë me zyrtarë komunal, i cili u prit ngrohtësisht nga ushtarakët më të lartë në zinxhirin komandues të KFOR-it në Kosovë.

Komandati i Përgjithshëm i KFOR-it, Lorenzo D’Addario dhe zv. Komandanti i Përgjithshëm i KFOR-it, Rainhard Ruckenstuhl bashkë me dhjetëra ushtarakë tjerë të nacionaliteteve të ndryshme ishin nikoqirët e këtij takimi në bazën ushtarake “Film City” në Prishtinë.

Kryetari i Ferizajt, Agim Aliu duke falënderuar drejtuesit më të lartë të KFOR-it, njësive shumëkombëshe të KFOR-it si dhe Komandës së KFOR-it amerikan që monitoruan drejtpërdrejt këtë operacion, pranoi dhuratën nga Komandati i Përgjithshëm i KFOR-it, Lorenzo D’Addario duke u shprehur se operacioni i simuluar javë më parë ishte një përvojë e veçantë e qeverisjes lokale në koordinimin dhe reagimin në raste emergjente, përvoja që do të shërbejnë për të avancuar sistemin reagues lokal. Ferizaj ishte qyteti që ishte përzgjedhur nga KFOR-i për ta realizuar këtë operacion, vlerësim ky i veçantë për Komunën e Ferizajt.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img